पशुआहारमा प्रयोग हुने दानाको मूल्य घटाउने तयारी

१९ वैशाख, काठमाडौं । पशुलाई खुवाउने दानाको मूल्यमा परिवर्तन हुने भएको छ । दर जेठदेखि घट्ने भएको छ । दाना हाल सहज उपलब्धता भइरहेको र जेठदेखि नयाँ मूल्य लागू निर्धारण गरिने नेपाल दानजा उद्योग संघले जनाएको छ । 

नयाँ मूल्य घटे रआउने संघका अध्यक्ष रविन पुरीले बताए । नयाँ मूल्यसूचीबारे सबै दाना उद्योगी व्यवसायीहरुलाई सर्कुलर जारी गरिसकिएको उनले बताए । दाना बनाउन प्रयोग हुने मकै र पिनाको मूल्यमा कमी आएको उनको भनाइ छ । 

हाल बजारमा नयाँ मकै प्रतिकेजी ३५ देखि ३६ रुपैयाँ र भटमासको पिना प्रतिकेजी ९५ रुपैयाँ छ । किसानहरुले दानाको मूल्य घटाउन पहिल्यैदेखि माग गर्दै आइरहेका छन् । 

दाना बनाउन चाहिने मकै र भटमासको पिनाभारत र तेस्रो मुलुकबाट आयात हुन्छ । यसमा स्वदेशी मकैले करिब ३ प्रतिशत मात्र योगदान रहने संघको दाबी छ । 

हाल ५० केजी दानालाई किसानले ४५ सय रुपैयाँसम्म तिरेर किन्दै आएका छन् ।