पीएसजीबाट मेस्सी २ हप्ताका लागि निलम्बित

२० वैशाख, काठमाडौं । विश्व चर्चित खेलाडी  एवं अर्जेन्टिनी फुटबल स्टार लियोनल मेस्सी उनी आवद्ध क्लब फ्रान्सको पेरिस सेन्ट जर्मेन (पीएसजी)बाट २ हप्ताका लागि निलम्बनमा परेका छन् । 

क्लबको अनुमतिबिना खाडी मुलुक साउदी अरबको भ्रमण गरेको भन्दै उनीलाई निलम्बन गरिएको हो । उनी दुई वर्षका लागि पीएसजीमा अनुबन्ध भएका थिए । उनको अनुबन्धन अवधि यो सिजनमा सकिँदैछ । 

अन्तर्राष्ट्रिय संचारमाध्यमका अनुसार निलम्बवन अवधिमा उनले उनले पीएसजीका २ वटा खेल गुमाउनेछन् । प्रशिक्षणसमेत गर्न पाउने छैनन् भने यो समयको पारिश्रमिक कटौती गरिनेछ ।

संचारमाध्यमहरुले स्रोतको हवला दिँदै मेस्सीले साउदी अरबको भ्रमणमा जान अनुमति मागेका तर  क्लबले उनलाई अनुमति दिएको थिएन् । तैपनि उनी भ्रमण गरेका छन् । साउदीमा उनले पर्यटन प्रवर्द्धनको एउटा कार्यक्रममा सहभागी भएका थिए । साउदी अरबको पर्यटन बोर्डको अफिसियल ब्राण्ड एम्बेसडर ुसमेत हुन् ।