प्रधानमन्त्रीको ताल यस्तै भए गठबन्धन टिक्दैनः नेपाल

२० बैशाख, सुर्खेत । नेकपा एकीकृत समाजवादीका अध्यक्ष माधव नेपालले प्रधानमन्त्री पुष्पकमल दाहाल प्रचण्डको व्यवहारले सत्ता गठबन्धन धेरै अगाडी जाने संकेत नदेखिएको बताएका छन् । उनले प्रधानन्त्री प्रचण्डले गबन्धनलाई अप्ठ्यो पार्ने किसिमले काम गरिरहेको र  उनको  पछिल्लो समय निकै दम्भ पनि बढकाले यस्तै व्यवहारले गठबन्धन नटिक्ने बताएका छन् । 

बुधबार वीरेन्द्रनगरमा आयोजित पत्रकार सम्मेलनमा बेल्दै अध्यक्ष नेपालले गठबन्धन टिकाउने हो भने सबैलाई सम्मानजनक व्यवहार हुनुपर्ने बताए । कर्णालीमा आफ्नो पार्टीलाई सत्ता गठबन्धनले बेवास्ता गरेको उनको आरोप छ । यसअघि नेपाली कांग्रेसका सभापति शेरबहादुर देउवाले पनि केही समयपछि नेपाली कांग्रेसले सरकारको नेतृतव लिने बताका थिए ।   

प्रधानमन्त्री प्रचण्डले दम्भ देखाए गठबन्धन कुनै पनि बेला तोडिन सक्ने उनको चेतावनी थियो । नेपालले भने,‘कर्णालीमा हाम्रो पार्टीलाई पूरै बेवास्ता गरिएको छ ।  सरकारमा एकलौटी गर्न खोजिएको छ । यो राम्रो होइन । गठबन्धन टिकाउने कुरा भइरहेको छ, तर हामीलाई बाइपास गरेर पीडा दिइएको छ । यसले गठबन्धन धरापमा पार्न सक्छ ।’ 

अध्यक्ष नेपालले सत्ता गठबन्धनले देश र जनताको पक्षमा काम गरोस् भन्ने आफ्नो अपेक्षा रहेको पनि बताए । समाज समृद्ध भए मात्र जनता खुसी हुने बताउँदै उनले आफ्नो पार्टी समृद्धिको अभियानमा रहेको बताए । उनले प्रधानमन्त्रीबाट सत्तागठबन्धनलाई असर पार्ने खालका निर्णय मन्त्रिपरिषदबाट भइरहेको बताए । 

भ्रष्टाचार, सबै खालका विकृतिबाट टाढा रहने र अरू भन्दा भिन्न देखिन पनि पार्टीका नेता कार्यकर्तालाई निर्देशन दिइएको पनि उनले बताए । आफू प्रधानमन्त्री हुँदा राज्यसत्ताको कुनै दुरुपयोग नगरेको बताउँदै नेपालले  देश विकासका निमित्त आफ्नो कार्यकालमा  महत्त्वपूर्ण काम भएको दाबी गरे । 

अप्ठ्यारो बेलाको र पार्टीभित्रबाट चुनौती आउँदा पनि आफूले निकै काम गरेको भए पनि त्यसको चर्चा नभएको नेपालको दुखेसो थियो ।  ०७४ क निर्वाचनमा पार्टीले झन्डै दुई तिहाइ मत ल्याए पनि नेतृत्वबाट त्यसको कदर हुन नसक्दा कम्युनिस्ट शक्ति तित्तरवित्तर हुन पुगेको उनले दाबी गरे ।