माेरङमा आत्महत्या दुरूत्साहन अभियाेगमा दाजु-बहिनी पक्राउ

२० वैशाख, काठमाडौं । आत्मदाह गर्न दुरुत्साहन गरेको मुद्दामा संलग्न दुई जनालाई प्रहरीले पक्राउ गरेको छ । पक्राउ पर्नेहरूमा विराटनगर महानगरपालिका-४ बस्ने ५५ वर्षीय गति पोखरेल र उनकी बहिनी ३६ वर्षीया सविना पोखरेल रहेका छन् । 

विराटनगर महानगरपालिका-३ बस्ने गोविन्दप्रसाद नेपालले वैशाख १४ गते बिहान सोही महानगरपालिका-४ त्रिगाछीमा आफ्नै शरीरमा प्रज्वलनशिल पदार्थ खन्याई आगो लगाई आत्महत्या गर्न प्रयास गरेकोमा तत्काल उपचारको लागि विराटनगरस्थित रेडप्लस अस्पताल लगिएकोमा उपचारको क्रममा मृत्यु भएको थियो । 

उक्त घटना सम्बन्धमा जिल्ला प्रहरी कार्यालय मोरङमा आत्महत्या गर्न दुरूत्साहन गरेको मुद्दाको जाहेरी परेकोमा उक्त कार्यालयबाट खटिएको प्रहरीले घटनामा संलग्न गती पोखरेललाई उनकै घरबाट र सविना पोखरेललाई झापा कमल गाउँपालिका–४ बाट पक्राउ गरेको हो । 

उनीहरू उपर जिल्ला अदालत मोरङबाट आत्महत्या गर्न दुरुत्साहन गरेको मुद्दामा जिल्ला अदालतबाट ५ दिन म्याद थप अनुमति लिई प्रहरीबाट थप अनुसन्धान भइरहेको छ । 

पाेखरेलद्वयविरूद्ध मृतक नेपालकी श्रीमतीले प्रहरीमा किटानी जाहेरी दिएकी थिइन् । उनीहरूले नेपालबाट २०७२ मा १२ लाख  रूपैयाँ ऋण लिएकाे खुलेकाे छ । ऋण उठाउन नसकेपछि नेपालले गति घरमा भएकाे बेला शरीरमा पेट्राेल छर्केर आत्मादाह गरेकाे खुलेकाे छ । जलेका नेपाललाइ उपचारका लागि अस्पताल पुर्याउँदा चिकित्सकले मृत घाेषणा गरेका थिए ।