रवि लामिछानेका सवारी चालक थापाको अन्त्येष्टि

२० वैशाख, काठमाडौं । घरको छतबाट खसेर निधन भएका राष्ट्रिय स्वतन्त्र पार्टी (रास्वपा)का सभापति रवि लामिछानेका सवारी चालक शम्भु थापाको बुधबार पशुपति आर्यघाटमा अन्त्येष्टि गरिएको छ । 

सिन्धुपाल्चोक बाह्रबिसे नगरपालिका–३ का ३९ वर्षीय चालक थापा गएको ४ वैशाखमा सभापति लामिछानेको चितवनस्थित घरबाट खसेर घाइते भएका थिए । अचेत अवस्था हेलिकोप्टरबाट ललितपुरको मेडिसिटी अस्पतालमा भेन्टिलेटरमा उपचार गराइरहेको अवस्था मंगलबार निधन भएको थियो । 

अन्त्येष्टिमा सभापति लामिछानेसहित रास्वपाका नेता तथा कार्यकर्ता, शुभेच्छुक पशुपतिस्थित आर्यघाट पुगेर थापाप्रति अन्तिम श्रद्धाञ्जली दिएका छन् । 

चितवन २ मा लामिछानेको उपनिर्वाचन प्रचारप्रसारका बेला चालक बनेर खटिएका बेला थापा दुर्घटनामा परेका थिए ।