पृथ्वी राजमार्गमा एकतर्फी सवारी सञ्चालन

२० वैशाख, काठमाडौं । बुधबार मध्यान्ह पृथ्वी राजमार्गअन्तर्गत गणेशखोलाको पुलछेउ सडकमा परेको खाल्डो पुरिएको छ । अपरान्ह साढे १ बजेतिर खाल्डो पुरिएको र अहिले एकतर्फी सवारी सञ्चालन गरिएको धादिङ प्रहरीका डिएसपी सन्तु जैसवालले बताए । 

यसअघि पनि पुल छेउमा सडक भासिएपछि १८ घण्टा सवारी अवरुद्ध भएको थियो । सोही ठाउँनजिक बुधबार मध्यान्न ठूलो खाडल परेर सडक बन्द भएको थियो । आज करिब ३ घण्टा सवारी आवतजावत बन्द भएको थियो ।

अहिले एकतर्फी रुपमा सडक संचालनमा आएको प्रहरीले जनाएको छ ।