एमाले कोशी संसदीय दलको उपनेतामा राना, सचेतकमा सिर्जना

२० वैशख, विराटनगर । नेकपा (एमाले)ले पार्टीको कोशी प्रदेश संसदीय दलको उपनेतामा रामबहादुर राना मगरलाई नियुक्त गरेको छ । 

प्रदेश सरकारको नेतृत्व समेत गरिरहेको मुख्यमन्त्री एवं संसदीय दलका नेता हिक्मत कार्कीले उनलाई बुधबार उपनेतामा नियुक्त गरेका हुन् । इलामको प्रदेश (ख)बाट प्रदेश सभा निर्वाचन निर्वाचित मगर प्रदेशको नाम कोशी राख्नुपर्छ भन्ने प्रस्तावका प्रस्तावक समेत हुन् । 

यस्तै, मुख्यमन्त्री कार्कीले भोजपुरबाट समानुपातिकबाट सांसद बनेकी सिर्जना राई सचेतकमा नियुक्त गरेका छन् । प्रमुख सचेतकमा रेवतीरमण भण्डारी यसअघि नै नियुक्त भइसकेका छन्।