घुससहित समातिएका ललितपुर महानगरका शिक्षा अधिकृत पौडेलविरुद्ध भ्रष्टाचार मुद्दा

२० वैशाख, काठमाडौं । घुस रकमसहित अख्तियार दुरुपयोग अनुसन्धान आयोगले रंगेहात पक्राउ गरेको ललितपुर महानगरपालिकाको शिक्षा महाशाखामा कार्यरत शिक्षा अधिकृत शेषकान्त पौडेलविरुद्ध विशेष अदालतमा भ्रष्टाचार मुद्दा दायर भएको छ । 

पौडेलविरुद्ध १ लाख रुपैयाँ बिगो भराई जरिवाना तथा कैद सजाय मागसहित बुधबार मुद्दा दायर गरिएको अख्तियारले जनाएको छ ।

पौडेलेविरुद्ध शिक्षक सरुवा गर्न सहजीकरण गरिदिएवापत सेवाग्राहीसँग घुस र रिसवत माग गरिरहेको भन्‍ने सूचनाका आधारमा आयोगको मुख्यालय टंगालबाट खटिएको टोलीले सेवाग्राहीबाट लिएको एक लाख रुपैयाँ घुससहित गएको फागुन २५ गते कार्यकक्षबाटै पक्राउ गरेको थियो ।