अनुसन्धान गर्न सचिव पाण्डेलाई ३ दिन हिरासतमा राख्न अनुमति

२० वैशाख, काठमाडौं । जिल्ला अदालत काठमाडौंले नक्कली भुटानी शरणार्थी बनाएर अवैध रुपमा पैसा ठगी आरोपमा पक्राउ परेका उपराष्ट्रपति कार्यालयका सचिव टेकनारायण पाण्डेला अनुसन्धानका लागि ३ दिन हिरासतमा राख्न अनुमति दिएको छ । 

महानगरीय काठमाडौं परिसर टेकुको टोलीले ठगी आरोपमा बुधबार दिउँसो पक्राउ गरेको पाण्डेलाई अनुसन्धानका लागि प्रहरी वृत्त सिंहदरबारको हिरासत राखिएको छ । अभियुक्तलाई पक्राउ गरिएको २४ घण्टाभित्र कसुर अभियोगसहित अदालतमा पेस गर्नुपर्ने कानूनबोजिम बुधबार जिल्ला अदालतमा पेस गरिएको हो । 

पाण्डेमाथि भुटानी शरणार्थीको नक्कली परिचय पत्र बनाएर अमेरिका लैजाने भनी लाखौं रुपैयाँ ठगी गरेको कसुरमा अनुसन्धान हुने जनाइएको छ ।

बाग्लुङ, सिन्धुपाल्चोक, पर्वत लगायतका नागरिकलाई भुटानी शरणार्थी बनाएर अमेरिका पठाउने भन्दै जनही १० देखि ४५ लाख रुपैयाँसम्म असूली गरेको गिरोहसँग मिलेमतो देखिएपछि उनलाई पक्राउ गर्न काठमडौ प्रहरीको मागमा अदालतले पक्राउ पूर्जी जारी गरेको थियो । खोजीका क्रममा उनलाई काठमडौंबाट पक्राउ गरिएको हो ।

यो पनि पढ्नुहोस