भीआईपीको धन कमाउने अतृप्त इच्छाले प्रहरी खोरमा बास !

२० बैशाख, काठमाडौं । यति भए अब पुग्छ भन्ने सम्पत्तिको सीमा छैन् । कतिलाई अधिक हुँदा पनि पुगेको छैन भने हुँदै नहुनेलाई त झन पुग्ने कुरै भएन । पुगेकाहरुलाई झन बढी लोभ हुन्छ । यही लोभले गर्दा धन आर्जनका लागि गलत बाटो अपनाउने  श्रृखलाहरु बढिरहेका छन् । गैरकानुनी ढंगबाट धन आर्जन गर्न खोज्दा यति केही भीआईपीहरु प्रहरी खोरमा पुगेका छन् । प्रशंक हो नक्कली शरणार्थी बनाउने प्रकरण । 

भुटानी शरणार्थी बनाएर अमेरिका लैजाने भन्दै करोडौं रकम ठगी गरेको अभियोगमा पूर्वगृहमन्त्री रामबहादुर थापाका सुरक्षा सल्लाहकार इन्द्रजित राई र उपराराष्ट्रपति कार्यालयका सचिव टेकनारायण पाण्डे प्रहरी हिरासतमा पुगेका छन् । पूर्वमन्त्री तथा सांसदसमेत रहेका नेकपा एमालेका सचिवकाटोपबहादुर राइमाझीका बाबुछारोमाथि यसै प्रकरणमा पक्राउ पुर्जी जारी भएको छ । पुर्वगृहमन्त्री रामबहादुर थापाका छोरा प्रतिक थापालाई पनि प्रहरीले पक्राउन पुर्जी जारी गरेको छ । 

उनीहरु केहीलाई समातेर अरुलाई पक्राउ पुर्जी जारी गरेपछि ८७५ नेपाली नागरिकसँग १० देखि ५० लाखसम्म उठाउने गिरोहको मुद्दा कमजोर बनाउने प्रपञ्च राजनीतिक तहबाट सुरु भएको छ । यसअघि गिरोहलाई संरक्षण गर्ने तथा गृह मन्त्रालयका गोप्य नीति–निर्णय उपलब्ध गराउने प्रशासनिक तथा राजनीतिक नेतृत्वलाई जोगाउन प्रहरीले फाइल नै कमजोर बनाउन खोजेको भन्दै विरोध भएपछि ती भीआईपीहरुलाई अहिले समातिएको हो । समाउन बाँकी रहेकालाई प्रहरी खोरसम्म नपुर्याएन प्रधानमन्त्रीदेखि गृहमन्त्री र एमाले नेतृत्व सक्रिय रहेको समाचार आउन थालेका छन् ।  

गिरोहका चार सदस्य केशव दुलाल, सागर थुलुङ राई, टेक गुरुङ र सानु भण्डारीलाई यसअघि नै पक्राउ गरी काठमाडौं प्रहरी परिसरबाट अनुसन्धान भइरहेको छ । उनीहरुले पनि राजनीतिक अगुवाको नाम खुलासा गरेपछि प्रहरी उनीहरुलाई पक्रन अग्रसर भएको हो । तर, उनीहरूलाई जोगाउने गरी फाइल बनाउन दबाब आएकाले प्रहरी स्रोतको भनाइ छ । यसमा संलग्नलाई संगठित अपराध, मानव बेचबिखन, किर्ते र ठगी तथा पदको दुरुपयोग कसुरमा मुद्दा चलाउने तयार प्रहरीको छ । 

उपराष्ट्रपति कार्यालयका सचिव टेकनारायण पाण्डे उपराष्ट्रपति कार्यालयमा आउनुअघि गृह मन्त्रालयको सचिव थिए । मन्त्रालयको सचिव भएकै अवस्थामा नक्कली शरणार्थी प्रकरण र गिरोहसँगको साँठगाठमा उनी मुछिएका थिए । गृह मन्त्रालयको सचिवका रुपमा रहँदा पाण्डेले निवर्तमान प्रहरी प्रमुख धिरजप्रताप सिंहलाई महानिरीक्षकको दर्ज्यानी चिह्न लगाइदिएका थिए । ठगी प्रकरणमा सहभागि भएका कारण आज आफै खोर पुगे । उनै पूर्वगृहसचिव प्रहरीको नियन्त्रणमा छन् ।

शरणार्थी दर्ता प्रक्रियामा छुटेकाहरुबारे अध्ययन र थप प्रमाण जुटाउन भन्दै २९ असार २०७६ मा केपी शर्मा ओली नेतृत्वको सरकारले गृह मन्त्रालयका तत्कालीन सहसचिव बालकृष्ण पन्थीको संयोजकत्वमा कार्यदल गठन गरेको थियो । कार्यदल गठन भएबाटै अनुसूची फारममा नाम थप गरेर शरणार्थी बनाउन एउटा गिरोह लागिपरेको थियो । त्यही काममा तत्कालीन गृहमन्त्री बादलका सुरक्षा सल्लाहकार डा. इन्द्रजित राई पनि संलग्न देखिए । राईलाई प्रहरीले मंगलबार ललितपुरस्थित निवासबाट पक्राउ गरेको थियो । हाल उनी जिल्ला प्रहरी परिसर, टेकुको हिरासतमा छन् ।

उनले राजनीतिक नेतृत्वलाई पनि मिलाउने भन्दै ५ करोड ६० लाख रुपैयाँ लिएको तथ्य फेला परेको प्रहरीले जनाएको छ । बादल १४ फागुन २०७४ देखि २८ असार २०७८ सम्म गृहमन्त्री थिए । त्यसपछि गृहमन्त्री बनेका बालकृष्ण खाँणको पालामा पनि यो गिरोहले नक्कली शरणार्थी बनाउने प्रयास जारी राखेको पाइएको अनुसन्धानमा संलग्न एक अधिकृत बताउँछन् । उनका अनुसार कांग्रेस नेतृ सुजाता कोइराला परराष्ट्रमन्त्री हुँदा उनको सचिवालयमा काम गरेका केशव दुलालले तत्कालीन गृहसचिव टेकनारायण पाण्डेसँग ‘सेटिङ’ मिलाएका थिए । 

बालकृष्ण खाँण गृहमन्त्री बन्नुअघि पाण्डे भूमि व्यवस्था, सहकारी तथा गरिबी निवारण मन्त्रालयमा कार्यरत थिए । तर, खाँणको जोडबलमा उनलाई गृहमा ल्याइएको थियो । पक्राउ परेकाहरुले बयानका क्रममा गृह प्रशासन र राजनीतिक नेतृत्वलाई पनि मिलाउनुपर्ने भन्दै रकम लिएको खुलाएका छन  ।  तत्कालीन ऊर्जामन्त्री तथा नेकपा एमालेका सचिव टोपबहादुर रायमाझी र उनका छोरा सन्दीप रायमाझीविरुद्ध पक्राउ पुर्जी जारी भएको छ । बुधबार काठमाडौं प्रहरीले जिल्ला अदालत काठमाडौंबाट रायमाझीका बाबुछोराविरुद्ध पक्राउ पुर्जी लिएको हो । 

पाण्डेलाई जिल्ला अदालत, काठमाडौंले ३ दिन हिरासतमा राख्न अनुमति दिएको छ । उनलाई प्रहरीले जिल्ला अदालत, काठमाडौं उपस्थित गराएको थियो । अदालतले ठगी र संगठित अपराध सम्बन्धी कसूरमा अनुसन्धानका लागि ३ दिन हिरासतमा राख्न अनुमति दिएको हो । पक्राउ पुर्जी जारी गरिएका टोपबहादुर रायमाझी अर्घाखाँचीमा छन् । बुधबार अर्घाखाँचीको महेन्द्र विद्यावोध माध्यमिक विद्यालयको हिरक महोत्सवको उद्घाटन समारोहमा विशेष अतिथि बनेर उनी सहभागी थिए । राई र थापाका छोरा फरार छन् । रायमाझी आफ्नो नाम अनावश्यक मुछिएका बतादैछन् ।