संघीय संसदको अधिवेशन वैशाख २४ गतेका लागि आह्वान

२० वैशाख, काठमाडाैं । संघीय संसदको दुवै सदनका अधिवेशन यही वैशाख २४ गतेका लागि आह्वान गरिएकाे छ । राष्ट्रपति रामचन्द्र पौडेलले अधिवेशन आह्वान गरेकाे संघीय संसद सचिवालयका महासचिव डा. भरतराज गौतमले जानकारी दिए ।

अधिवेशनकाे पहिलाे बैठक वैशाख २४ गते आइतबार अपरान्ह ४ बजेका लागि प्रतिनिधि सभा र राष्ट्रिय सभाकाे अधिवेशन आह्वान भएको गाैतमले बताए । गौतमले बैठकमा सांसदहरुलाई अनिवार्य उपस्थितिका लागि बुधबार सूचना जारी गरेका छन् । 

‘राष्ट्रपति रामचन्द्र पौडेलज्यूले नेपालको संविधानको धारा ९३ को उपधारा (१) बमोजिम सम्वत् २०५० साल वैशाख २४ गते आइतबारका दिन १६ः०० बजे अन्तर्राष्ट्रिय सम्मेलन केन्द्र, नयाँ बानेश्वरमा संघीय संसदको दुवै सदनको अधिवेशन आहृवान गर्नु भएकोले उक्त मिति, समय र स्थानमा माननीय सदस्यहरुको उपस्थितिको लागि अनुरोध गर्दछु’  सूचनामा उल्लेख छ ।

बुधबार बसेको मन्त्रिपरिषद बैठकले संसद अधिवेशन आह्वान गर्न राष्ट्रपतिसमक्ष सिफारिस गर्ने निर्णय गरेको थियो । को बैठक वैशाख २४ गते आइतबार अपरान्ह ४ बजे बस्ने गरी आह्वान भएको हो । याे अधिवेशन बजेट (बर्खे) अधिवेशन हाे । हिउँदे अधिवेशन यसअघि गत वैशाख १५ मा संसद अधिवेशन अन्त्य भएको थियो ।