२ वर्ष कैद र २६ लाख जरिवाना तोकिएका फरार प्रतिवादी पक्राउ

२० वैशाख, काठमाडौं । बैंकिङ कसूर मूद्दामा दोषी भई फरार रहेका अभियुक्तलाई प्रहरीले पक्राउ गरेको छ । पक्राउ पर्नेमा काठमाडौं महानगरपालिका–१० बानेश्वरका राजेन्द्र कुमार श्रेष्ठ रहेका छन् ।

उनलाई काठमाडौं उपत्यका अपराध अनुसन्धान कार्यालयको विशेष टोलीले पक्राउ गरेको हो । उनलाई काठमाडौं जिल्ला अदालतमा पठाइएको प्रहरीले जनाएको छ ।

उनीविरुद्ध बैकिङ कसूर मुद्दामा उच्च अदालत पाटनले २०७९ माघ २७ गते  २६ लाख जरिवाना र २ वर्ष कैद सुनाएको थियो । तर उनी मुद्दा परेदेखि नै फरार रहेका थिए ।