कांग्रेस रुपान्तरणको बहसका लागि युवा नेताहरुको आज विशेष भेला

२१ बैशाख, काठमाडौं । पछिल्लो राजनीतिक परिवेशमा नेपाली कांग्रेसको भूमिकामा आमुल परिवर्तन हुनुपर्ने माग उठिरहेका बेला आज बिहीबार कांग्रेस ‘रुपान्तर र सुधार अभियान’का लागि युवा नेताहरुको भेला डाकिएको छ । भेलामा नेपाली कांग्रेसलाई अब कसरी र कुन बाटोमा रुपान्तरण गर्न सकिन्छ भन्ने विषयमा बृहत बहस हुने बताइएको छ । 

कांग्रेस रुपान्तरित भएर लान र आधुनिक कांग्रेस बनाउन युवाहरुको भूमिका, पार्टी शीर्ष नेताहरुले अगाल्नुपर्ने अवको बाटोबारे युवा नेताहरुले भेलामा धारणा राखने कांग्रेस युवा नेता भुपेन्द्रजग शाहीले नेपालबहसलाई जानकार दिए । उनले बदलिएको कांग्रेस र बलियो कांग्रेस बनाउने आकांक्षाका साथ रुपान्तरणको बहसका लागि युवाहरुको भेला डाकिएको बताए । 

गत बैशाख १० उपनिर्वाचनमा कांग्रेस उम्मेदवारहरुको पराजित भएपछि पार्टी भित्र गम्भर समीक्षा गरी रुपान्तरणको बाटोमा जानुपर्ने अवाजहरु उठिरहेका छन् । कांग्रेस युवा नेताहरुको भेला बिहीबार विहान ११ बत्तिसपुतिलको अनुपम फुड्ल्याण्डमा राखिएको शाहीले बताए । उनले यस भेलामा कांग्रेसका सबै तह र तप्काका युवाहरु भेला भएर कांग्रेसले अबका दिनमा लिनुपर्ने बाटोबारे विचार राख्ने बताए ।