सुनको मूल्य अहिलेसम्मकै उच्च, कति पुग्याे ?

२१ वैशाख, काठमाडौं । सुनको मूल्यले बिहीबार नयाँ कीर्तिमान बनाएको छ । बुधबार छापावाला सुन तोलामा  हजार २०० रुपैयाँ बढेर बिहीबार १ लाख ११ हजार ८०० रुपैयाँ पुगेको छ । 

नेपाल सुनचाँदी व्यवसायी महासंघ अनुसार यो हालसम्मकै उच्च हो । यसअघि गत २२ चैतमा सुन प्रतितोला १ लाख ११ हजार रुपैयाँको पुगेको थियो ।
बुधबार छापालवाला सुन प्रतितोला १ लाख १० हजार ६०० रुपैयाँ र तेजाबी सुनको मूल्य एक लाख १० हजार ५० रुपैयाँमा किनबेच भएको थियो ।

बिहीबार तेजाबी सुन प्रतितोला १ लाख ११ हजार २५० रुपैयाँमा कारोबार भइरहेको छ । चाँदीको मूल्य प्रतितोला १ हजार ४४५ रुपैयाँमा रहेको महासंघले जनाएको छ ।