कठमाडौंमा नगद र ताससहित ७ जना पक्राउ

२१ वैशाख, काठमाडौं । महानगरीय प्रहरी काठमाडौं परिसरको गौशाला वृत्तले ७ जनालाई तास र नगदसहित पक्राउ गरेको छ ।

काठमाडौं महानगरपालिका-९ देबकोटा मार्गस्थित स्टिकर पसलमा जुवातास खेलिरहेको अवस्थामा ७ जनालाई प्रहरी वृत्त गौशालाबाट खटिएको प्रहरीले पक्राउ गरेको हो । 

बिहीबार बिहान पक्राउ परेका उनीहरुलाई गौशाला वृत्तमा राखेर अनुसन्धान भइरहेको प्रहरीले जनाएको छ । अभियुक्तहरुको साथबाट नगद २४ हजार ७ सय रूपैयाँ  र १५ बुक तास बराद गरिएको छ ।