आन्दोलनरत कर्मचारीसँग वार्ता गर्न खड्काको नेतृत्वमा समिति गठन

२१ वैशाख, काठमाडौं । सरकारले आन्दोलनरत निजामती कर्मचारीहरुका वार्ता गर्न उपप्रधान तथा रक्षामन्त्री पूर्णबहादुर खडाको नेतृत्वमा वार्ता समिति गठन गरेको ।

वार्ता समितिले निजामति कर्मचारीलगायत सरोकारवाला पक्षहरूसँग छलफल गर्ने म्याण्डेड पाएको छ । संघीय निजामती कर्मचारी ऐन चाँडो ल्याउनुपर्ने, ऐनमा निजामती कर्मचारीका माग सम्बोधन हुनुपर्ने मागसहित कर्मचारीले बिहीबार सिंहदरबारको मुल गेटमा धर्ना दिएका छन् । धर्नामा विभिन्न ४ वटा कर्मचारी संगठनहरुले आवद्ध छन् । 

सरकारले वार्ता समिति गठन गरेसँगै आन्दोलनरत संगठनहरु नेपाल निजामती कर्मचारी युनियनका अध्यक्ष गोपाल पोखरेल, नेपाल राष्ट्रिय कर्मचारी संगठन (निजामति)का अध्यक्ष हरिबहादुर रावल, एकीकृत सरकारी कर्मचारी संगठन नेपालका अध्यक्ष गगन सिंह विष्ट र नेपाल मधेशी निजामति कर्मचारी मञ्चका अध्यक्ष भुवनेश्वर चौधरीले संयुक्त विज्ञप्ति निकालेर सरकारले वार्ता समिति बनाएकोले आन्दोलनका कार्यक्रम स्थगित गरिएको पनि बताएका छन् । संघीय निजामति सेवा ऐन तत्काल ल्याउनुपर्ने र माग उनीहरूको छ।