पार्टी पदाधिकारीविरूद्ध पक्राउ पुर्जीपछि एमाले नेता रिमालको आयाे यस्ताे टिप्पणी

२१ वैशाख, काठमाडाैं । प्रमुख प्रतिपक्षी नेकपा (एमाले)का नेता विष्णु रिमालले भुटानी शरणार्थी प्रकरणमा आफ्नौ पार्टीका नेता कार्यकर्ता पक्राउ पर्न थालेपनि मुख खोलेका छन् । प्रकरणमाथि निष्पक्ष छानबिन हुनुपर्ने भन्दै दोषीले उन्मुक्ति पाउन नहुने नहुने बताएका छन् ।

नक्कली भुटानी शरणार्थी बनाएर अमेरिका लैजानका लागि परिचय पत्र बनाएर करोडौं रुपैयाँ उठाएको काण्डमा मुछिएपछि एमाले सचिव समेत रहेका सांसद टोपबहादुर रायमाझीलाई पक्राउ गर्न प्रहरीले कोसिस गरिरहेको छ । 

प्रहरीले रायमाझीको खोजी गरिरहेको बेला रिमालले सामाजिक सञ्जालमा धारणा सार्वजनिक गर्दै दोषीलाई कारवाहीको दायरामा ल्याउनुपर्ने बताए । प्रकरणलाई राजनीतिकरण गर्न नहुने समेत स्पष्ट पार्दै कानूनको पालना सबैले गर्नुपर्ने बताएका छन् । 

‘भुटानी शरणार्थी प्रकरणमा होस् वा अन्य कुनै, कानुनभन्दा माथि कोही हुँदैनन् । उन्मुक्ति कसैलाई पनि हुनुहुन्न। निर्दोष नफसुन, कोही दोषी नउम्किउन,’ रिमालले लेखेका छन, ‘छानबिन हुनुपर्छ, यसमा सबैले सहयोग गर्नुपर्छ । यस्ता घटनालाई राजनीतिकरण गर्नुहुन्न । कानुनको पालना सबैले गर्नुपर्छ।’

यस्तै? एमालेका नेता एवं सांसद सूर्य थापाले प्रकरणमा नक्कली शरणार्थी बनाउने मात्र नभई बन्न खोज्नेलाई पनि कारवाहीको दायरामा ल्याउन सरकारको ध्यानाकर्षण गराएका छन् ।