विवाह हुन एक हप्ता बाँकी रहँदा युवतीले गरिन् आत्महत्या

भक्तपुर, २१ वैशाख । भक्तपुरको सूर्यविनायक नगरपालिका-७ गुण्डुुकी २४ वर्षीया सुस्मिता खड्काले आत्महत्या गरेकी छन् । २८ वैशाखमा विवाह मिति तोकिएकी खड्काले बिहीबार झुण्डिएर आत्महत्या गरेको अवस्थामा भेटिएको भक्तपुर प्रहरी परिसरले जनाएको छ ।

काठमाडौ दक्षिणकाली नगरपालिका–८ घर भई ललितपुर महालक्ष्मी नगरपालिका–९ बस्ने  २८ वर्षीय मनोज अधिकारीसँंग सुस्मिताको विवाह तय भइसकको थियो । 

तर, बिहीबार आफ्नै घरको फलामको भर्‍याङमा नाइलनको डोरीको पासो लगाई झुण्डिएर आत्महत्या गरेको अवस्था सुस्मितालाई भेटिएको परिसरका एसपी प्रजित केसीले जानकारी दिए ।  

उनको साथबाट भेटिएको सुुसाइड नोटमा आफैंले आत्महत्या गरेको र पिर नगर्न  उल्लेख रहेकाे प्रहरीकाे दाबी छ ।