शेयर ब्रोकर लाइसेन्सका लागि थप १३ कम्पनीलाई आशय पत्र

२१ वैशाख, काठमाडौं । नेपाल धितोपत्र बोर्डले थप १३ वटा कम्पनीलाई ब्रोकर लाइसेन्सकाे आशय पत्र प्रदान गरेको छ । बोर्डले यसअघि १६ वटा कम्पनीलाई आशय पत्र दिइसकेको छ । थप आशय पत्र दिने निर्णय बोर्डले बुधबार गरेको हो । 

सनराइज सेक्युरीटिज, जेबिएनएल सेक्युरीटीज, सेयरप्रो सेक्युरिटिज प्रालि, स्टक्स्कार्टस् सेक्युरिटिज लिमिटेड, प्रोपर्टी विजार्ड लिमिटेड, क्यापिटल हब प्रालि, मिल्की वे सेयर ब्रोकर कम्पनी लिमिटेड, ब्लु चिप सेक्यूरिटिज लिमिटेड, गरिमा सेक्युरिटिज लिमिटेड, कलश स्टक मार्केट प्रालि, मनि वर्ल्ड शेयर एक्सचेन्ज प्रालि, शुभकामना सेक्यूरिटिज प्रालि र मियो सेक्युरिटिज प्रालिलाई आशय पत्र प्रदान गरिएको हो ।