‘जीवन साथी’को म्युजिक भिडियो सार्वजनिक

२१ वैशाख, काठमाडौं । ‘जीवन साथी’ बोलको गीतको म्युजिक भिडियो सार्वजनिक गरिएको छ। शिवजी डान्स सेन्टरले तयार पारेको म्युजिक भिडियो विन्दवासिनी म्युजिक प्रालिको युट्युव च्यानलमार्फत सार्वजनिक गरिएको हो ।

म्युजिक भिडियोमा चर्चित मोडल गणेश भट्टको बेजाेड अभिनय रहेको छ । उनलाई अभिनयमा समारिका ढकालले साथ दिएकी छन् । मित्र केसीको शब्द रचना रहेको गीतमा डा. शैलेशकुमार मिश्र र रोजिना कार्कीको स्वर रहेको छ । 

गीतमा संगीत संयोजन विशाल निरौलाको रहेको छ। मुकेश हुमागाईंको सिनेग्राफि रहेको गीतको निर्देशन शिवजी क्षेत्रीले गरेका छन् । म्युजिक भिडियोको छायांकन कुलेखानी आसपासका रमणीय क्षेत्रमा गरिएको छ ।

जीवन साथीमा मैले सकेको मेहेनेत गरेको उनले बताए । ‘गीतले दर्शकको मन जित्ने विश्वास छ । यसअघिका म अभिनित सबै गीतलाई दर्शकले रुचाइदिनु भएको छ। यो गीतलाई पनि उहाँहरूले रुचाउने विश्वास लिएको छु’ अभिनेता भट्टले भने । उनले रोमाञ्चक गीत भएकाले युवा पुस्ताको मनमा बस्न सक्ने विश्वास लिएका छन् ।