कञ्चनपुर सशस्त्र प्रहरीका सीमा सुरक्षा प्रमुख माथि खुकुरी प्रहार

 २३ बैशाख, कञ्चनपुर । सशस्त्र प्रहरीका बोर्डर आउट पोष्ट 'बीओपी'का प्रमुखमाथि खुकुरी प्रहार भएको छ । दोधारा चाँदनी नगरपालिका–७ कञ्चन भोजमा बीओपीका प्रमुख सशस्त्र प्रहरी नायव निरीक्षक नरेन्द्र चाैंसिर माथि खुकुरी प्रहार भएको हो ।

गत शुक्रवार राती होहल्ला गरे पछि सम्झाउन गएका सई चौंसिर माथि खुकुरी प्रहार गरिएको हो ।  जिल्ला प्रहरी कार्यालय कञ्चनपुरका प्रहरी नायब उपरीक्षक एवं प्रवक्ता प्रकाश डाँगीका अनुसार शुक्रबार राती १० बजेको समयमा बीओपी प्रमुख माथि खुकुरी प्रहार भएको हो ।  

सो खुकुरी प्रहारबाट उनको बायाँ पाखुरामा चोट लागेको छ । खुकुरी प्रहार गरी फरार रहेकाहरूको अहिले खोजी कार्य जारी राखिएको छ ।