हिमपहिरोमा परेर मुगुमा बेपत्ता ३ जनाको मृत्यु

 
खड्क सुनार  

२३ वैशाख, मुगु ।  हिम पहिरोमा परेर जुम्लाका बेपत्ता ३ जनाको मृत्यु भएको छ । जुम्लाको पातारासि गाउपालिका–२ तल्फि गाउँका तारासिंह सार्की, पुन्न सार्की र बीर बोहोराको मृत्यु भएको जुम्ला, पातारासि गाउँपालिकाका अध्यक्ष पुन्न सिंह बोहोराले बताए ।

अन्दाजी १२ देखि १३ जनाको टोलीमा रहेका मध्ये शनिवार ३ जना बेपत्ता भएका थिए । उनका अनुसार उनीहरू मुगुको मुगुम कार्मारोङ्ग गाउपालिका–२ च्यार्खु भन्ने लेकमा शनिवार देखी  उनीहरू बेपत्ता भएको थिए ।

उनीहरू यार्सा संकलनको लागि सो क्षेत्रमा गएका उनीहरूको शनिवार देखी नै खोजी कार्य गरिएको थियो ।  जेठ ४ गते देखि मात्रै यार्सा सङ्कलनका लागि अनुमति दिएपनि मृतकसहितका टोली भने लुकिछिपी गएर खोज्दा हिमपहिरोमा परेर बेपत्ता भएको हुन ।