राष्ट्रपति पौडेलले कानुनविदसँग नागरिकता विधेयकबारे परामर्श गर्दै

२४ वैशाख, काठमाडौं । राष्ट्रपति रामचन्द्र पौडेलले नागरिकता विधेयकबारे कानुनविद्सँग परामर्श लिने भएका छन् । आइतबार आज दिउँसो १ बजे कानुनविदहरुसँग परामर्श गर्न लागिएको राष्ट्रपतिको सचिवालयले जनाएको छ ।

अघिल्लो सरकारको पालामा दुवै सदनबाट पास भएको नागरिकता विधेयक शीतलनिवास पठाइए पनि तत्कालीन राष्ट्रपति विद्यादेवी भण्डारीले दुवै पटक प्रमाणीकरण नगरी फिर्ता पठाएकी थिएन् । 

सो विधेयक अघि बढाउने निर्णय अहिलेको सरकारले गरेको छ । प्रधानमन्त्री प्रचण्ड नेतृत्वको वर्तमान सरकारले पूर्णता पाएको ६ महिनाभित्र टुंगो लगाउने न्यूनतम साझा कार्यक्रममा उल्लेख छ । शनिवार बसेको सत्ता गठबन्धनको बैठले नागरिकता सम्मबन्धी विषयमा राष्ट्रपतिसमक्ष पठाउनेबारे छलफल गरेको थियो ।