जिल्ला सुरक्षा समिति बैठक: मुगु हिमपहिरोमा परेर बेपत्ता भएकामध्ये एकको मृत्यु, दुईजना नभेटिएको पुष्टि
नेपालबहस संवाददाता
बैशाख २४, २०८० आइतबार ११:५०:१३
खड्क सुनार
२४ वैशाख, मुगु । मुगु हिमपहिरोमा परेर बेपत्ता भएकामध्ये एकजनाको शव फेला परेको र अझै दुईजना नभेटिएको पुष्टि भएको छ । यसअघि तीनजनाको मृत्यु भएको भनिएको सूचना गलत रहेको पुष्टि गर्दै आइतबार बिहान बसेको जिल्ला सुरक्षा समिति बैठकमा प्रमुख जिल्ला अधिकारी मोहनबहादुर थापाले हिमपहिरोमा परेर बेपत्ता भएकामध्ये एकजनाको मृत्यु भएको र दुईजना अझै फेला नपरेको जानकारी गराएका निमित्त प्रहरी नायव उपरिक्षक सुदर्शन पन्थीले जानकारी गराए ।
सम्पर्कविहीन भएकाहरुको खोजीकार्य भइरहेको उनले जानकारी दिए । गत शुक्रबार हिमपहिरोमा परेर तीनजना बेपत्ता भएका थिए । यार्सागुम्वा टिप्न जुम्लाको पातारासि गाउँपालिका–२ तल्फी गाउँका १५ स्थानीयहरु ११ वैशाखबाट मुगुको पाटनका लागि हिँडेका थिए ।
जुम्लाबाट मुगु हुँदै यार्सा पाटन पुग्न लाग्दा २२ वैशाखको दिउँसो १ बजे च्र्यागो लेखको बाटोमा हिँड्दै गर्दा माथिबाट हिमपहिरो खस्दा तारासिंह सार्की, पुन्न सार्की र वीर बोहोरा बेपत्ता भएका थिए । पुन्न सार्कीको शव भेटिए बाँकी दुईजनालाई भेट्याउन नसकेको सँगै यार्सा टिप्न हिँडेका कन्न सार्कीले फोन मार्फत जानकारी दिए ।
बेपत्ता भएका दुईजना मध्येका तारासिंगका छोरा रमेश सार्की र भाइहरू हर्क सार्की, प्रकाश सार्कीसहित १२ जना हिमपहिरो आएपछि ज्यान जोगाएर रातारात हिँडेर मुगु सदरमुकाम गमगढी आइपुगेको उनले बताए ।
घटना स्थल रहेको मुगुको मुगूम कार्मारोङ्ग गाउँपालिका–२ च्यार्गो लेख पुग्न जिल्ला सदरमुकाम गमगढीबाट चार दिन र मुगु गाउँबाट दुई दिन पैदल यात्रा लाग्ने माग्री गाउँका स्थानीय छेवाङ्ग तोर्चे लामाले जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपचितुवाको आक्रमणमा परी युवक घाइते
बैशाख १४, २०८१ शुक्रबार
ट्रयाक्टरले किचेर एकको मृत्यु
बैशाख १३, २०८१ बिहिबार
महोत्तरीको मटिहानीमा आगोले बस्ती नै सखाप
बैशाख १२, २०८१ बुधबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
चितुवाको आक्रमणमा परी युवक घाइते
बैशाख १४, २०८१ शुक्रबार
मर्स्याङ्दी जलाशयमा मोटरबोट चढ्ने आकर्षण
बैशाख १४, २०८१ शुक्रबार
धनुषामा नौ सयभन्दा बढीमा हात्तीपाइले रोग
बैशाख १४, २०८१ शुक्रबार
तीन करोड मानिसको स्वास्थ्यमाथि खेलबाड गर्ने चौधरी समूहलाई २ लाखमा उन्मुक्ति
बैशाख १४, २०८१ शुक्रबार
गणेशमान सिंह क्रिकेटमा सुदूरपश्चिम विजयी
बैशाख १४, २०८१ शुक्रबार
लाओसमा दादुरा, रुबेलाबाट बालबालिकालाई जोगाउन खोप अभियान सुरु
बैशाख १४, २०८१ शुक्रबार