उद्योग व्यवसायलाई चलायमान बनाउनुपर्ने दबाबमा मौद्रिक नीतिको समीक्षा गर्दै राष्ट्र बैंक

२४ वैशाख, काठमाडौं । मुलुकको केन्द्रीय बैंक नेपाल राष्ट्र बैंकले यसैसाता मौद्रिक नीतिको समीक्षा गर्ने तयारी गरेको छ । केही दिनभित्रै सार्वजनिक हुने मौद्रिक नीतिको सम्पूर्ण विवरण तयार भइसकेको जनाइएको छ । 

के के विषयमा नीतिगत पुनरावलोकन गर्ने भन्ने विषय खाली राखेर बसेको स्रोतको भनाई छ । अर्थमन्त्री डा. प्रकाशशरण महतले मौद्रिक नीतिमार्फत अर्थतन्त्रलाई सही दिशामा ल्याउनुपर्ने दबाबमा परेपछि यसअघि जेठमा गर्ने भनिएको मौद्रिक नीतिको समीक्षा  वैशाखभित्रै गर्ने तयारीमा राष्ट्र बैंक जुटेको हो । स्रोतका अनुसार अर्थमन्त्री महतले समीक्षाका लागि जेठ नकुर्न निर्देन दिइसकेका छन् । अहिले अर्थतन्त्रमा सूचकहरूको सुक्ष्म विश्लेषण गरिरहेको छ । 

अर्थमन्त्री महत शेयर कर्जाको जोखिम भार घटाउनुपर्ने, शेयर बजारलाई चलायमान बनाउनुपर्ने पक्ष जाेड दिइरहेका छन् । बैंकहरुको ब्याजदरको विषय र उद्योग व्यवसायीसँग माग सम्बोधन गर्ने जस्ता कुराहरु समावेश गर्ने तयारीमा छन् ।

विकास (पुँजीगत) खर्चको अवस्था नाजुक हुँदा राजश्व संकलनमाा भारी गिरावट आएका कारण अर्थतन्त्र आन्तरिक समस्यामा छ । अर्थतन्त्रलाई गति दिने र मन्दीमा जानबाट रोक्ने गरी नयाँ बजेटको तयारीमा सरकार रहेको बेला बजेट अधिवेशन आजैबाट सुरु हुँदैछ ।