सिम्रिक एयरका हेलिकोप्टर उडानबारे सुरक्षा परीक्षणपछि मात्र टुंगो लाग्ने

२४ वैशाख, काठमाडौं । नेपाल नागरिक उड्डयन प्राधिकरणले सिम्रिक एयरको सम्पूर्ण हेलिकप्टर उडानमा लगाएको प्रतिबन्ध फुकुवा सुरक्षा उडान पूरा भएपछि मात्र टुंगो लाग्ने भएको छ । 

शुक्रबार संखुवासभामा भएको सिम्रिक एयरको हेलिकप्टर दुर्घटनाको विषयलाई लिएर एयरसँग रहेका अन्य हेलिकप्टर उडानमा सो दिनदेखि 
अर्को सूचना जारी नभएसम्मका लागि सबै उडानमा प्रतिबन्धको घोषणा गरेको थियो ।

सिम्रिकसँग ६ वटा हेलिकोप्टर रहेकामा एउटा शुक्रबार दुर्घटना परेर क्षतिग्रष्ट भएको छ । माथिल्लो अरुण जलविद्युत आयोजनाको सामान पुर्‍याएर फर्किने क्रममा र्किँदा नाइन एन्–एजेजेड हेलिकप्टर भोटखोला–४ स्थित हम्मरे डाँडाको रुपमा ठोक्किएर सिप्रुङमा दुर्घटना परेको थियो । सुरक्षा परीक्षण हप्ता दिन लाग्ने बताइएको छ ।

दुर्घटनामा स्थानीय भविन गुरुङको निधन भएको थियो । क्याप्टेन सुरेन्द्र पौडेल, मनोज थापा, छिरिङ भोटे र विद्युत प्राधिकरणका कर्मचारी विक्रम गुरुङ घाइते भएका थिए । उनीहरु उपचार ललितपुरको मेडिसिटी अस्पतालमा भइरहेको छ । क्याप्टेन सुरेन्द्र पौडेलकाे अवस्था सामान्य रहेको बताइएकाे छ ।