सरकारलाई दिएको समर्थन कायमै रहने सिके राउतको प्रष्टोक्ति

२४ वैशाख, काठमाडौं । सरकार साझेदार दल जनमत पार्टीका अध्यक्ष सिके राउतले आफ्नो पार्टीले सरकारलाई दिएको समर्थन कायमै राख्ने बताएका छन् । आइतबार काठमाडाैंमा संचारकर्मीहरूसँगकाे कुराकानीमा उनले पार्टीका सांसदहरूसंसदमा सत्ता पक्षको कुर्सीमा बस्ने बताए ।

तर सरकारलाई दिएको समर्थन कहिलेसम्म जारी राख्ने र सरकारमा सहभागी हुने नहुने भन्नेबारे पार्टीले छिट्टै निर्णय लिने उनको भनाइ छ ।  रास्वपाले सरकारलाई दिँदै आएको समर्थन गत शुक्रबार मात्र फिर्ता लिएको थियो । त्यसपछि अन्य जनमत, जसपा, लोसपा, नाउपा लगायत  साना दहरुलले समेत समर्थन फिर्ता लिने चर्चा भइरहेको बेला जनमतले समर्थन कायमै राख्ने बताएको हो । 

जनमतले प्रधानमन्त्री प्रचण्डले बिना जानकारी आफूखुसी आफ्नो पार्टीले दाबी गर्दै आइरहेको उद्योग, वाणिज्य तथा आपूर्ति मन्त्रालय रोकेर खानेपानीम तथा सरसफाइ छुट्याएको भन्दै सांसद अब्दुल खानलाई खानेपानीबाट गत चैत १७ मा फिर्ता बोलाएको थियो । त्यसयता सरकारमा सहभागी भएको छैन । जनमतसँग ६ सांसद छन् ।

रास्वापाले भने पुरानै मन्त्रालय दिन प्रधानमन्त्री तयार नभएको र नीति तथा कार्यक्रमबाट रास्वपाले उठाएको जुनसुकै समयमा भ्रष्टाचारी फाइल खोल्ने नीति हटाएको जनाउँदै सरकारलाई दिँदै आएको समर्थन फिर्ता लिएको जनाएको छ  

यसैबीच जसपाले आफ्नो पार्टीले सरकारलाई दिएको समर्थन फिर्ता नहुने बताइसकेको छ । जसपाका अध्यक्ष उपेन्द्र यादवले वर्तमान सरकारलाई दिँदै आएको समर्थन कायमै रहने शनिबार मात्र स्पष्ट पारेका थिए ।