संसदमा ईहाजिरीको तयारी,वेबसाइटमार्फत सार्वजनिक गरिने

२४ वैशाख, काठमाडौं। संघीय संसदको प्रतिनिधिसभा र राष्ट्रिय सभाको बैठकमा सांसदहरुको उपस्थितिलाई ईहाजिरी अर्थात डिजिटिलाइज बनाउने तयारी थालेको छ । 

उनीहरुको उपस्थितिलाई वेबसाइटमार्फत सार्वजनिक गर्ने तयारी भइरहेको संसद सचिवालयले जनाएको छ । तयारीलाई तीव्रता दिन संसद सचिवालयलाई सभामुख देवराज घिमिरेले निर्देशन दिइसकेका छन् । 

आइतबार सिंहदरवारमा प्रतिनिधिसभाको कार्यव्यवस्था परामर्श समितिको बैठकमा सभामुख घिमिरेले संसद सचिवालयलाई ईहाजिरीको तयारी गर्न, राष्ट्रिय सभाको अनुभवबारे अध्ययन गर्न निर्देश दिए ।