सुनुवाइ समितिमा रहने सांसदको नाम ३ दिनभित्र बुझाउन सभामुखको आग्रह

२४ वैशाख, काठमाडौं । सभामुख देवराज घिमिरेले संसदीय सुनुवाइ समितिमा रहने सांसदको नाम ३ दिनभित्र बुझाउन दलहरुसँग आग्रह गरेका छन् ।

आइतबार बसेको कार्य व्यवस्था समितिको बैठकमा यस्तो आग्रह गरेका हुन् । उनले यसअघि हिउँदे अधिवेशन कायम रहेकै बेला पनि आग्रह गरेका थिए । तर दलहरुले बेवास्ता गर्दै आइरहेका छन् । उनले गएको चैत महिनाभित्र नाम दिन आग्रह गरेका थिए ।

बेवास्ताबीच सभामुख घिमिरेले आज फेरि दलका प्रमुख सचेतकहरु सहभागी बैठकमा आग्रह दोहोर्याएका छन् । सुनुवाई समितिमा प्रतिनिधिसभा र राष्ट्रियसभाबाट सांसद सदस्य रहने व्यवस्था छ ।