महिला हिंसासम्बन्धी विगतका घटनामाथि अनुसन्धान हुन्छ : उप्रधानमन्त्री श्रेष्ठ

२४ वैशाख, काठमाडौं ।  उपप्रधानमन्त्री तथा गृहमन्त्री नारायणकाजी श्रेष्ठले महिला हिंसामा संलग्नलाई सरकारले कारवाही गरेरै छाड्ने प्रतिवद्धता जनाएका छन् । 

आइतबार गृह मन्त्रालयले आयोजना गरेको संयुक्त राष्ट्रसंघ, सुरक्षा परिषद् प्रस्ताव नं. १३२५ र १८२० को कार्यान्वयन सम्बन्धी दोस्रो राष्ट्रिय कार्ययोजना राष्ट्रिय कार्यशालामा बोल्दै मन्त्री श्रेष्ठले महिला हिंसा गर्ने पीडकलाई कुनैपनि हालतमा छुट नदिने प्रतिवद्धता जनाएका हुन् । 

उनले महिला हिंसासम्बन्धी विगतका घटनाहरुमाथि अनुसन्धान गरिने बताउँदै पीडितलाई न्याय दिन कुनै कसर बाँकी नराख्ने बताए । मन्त्री श्रेष्ठले हालसम्म प्राप्त भएका उपलब्धिहरुको रक्षा गर्दै महिलाहरुलाई अझ अधिकारसम्पन्न बनाउन सरकारको प्रयत्न जारी राख्ने बताए । 

अर्को प्रसंगमा द्वन्द्वकालमा भएका मानवअधिकार उल्लंघन र महिला हिंसाको घटनाहरुको समस्या समाधान गर्न आवश्यक नीति, निर्णय र कार्ययोजना बनाउन सरकार लागिरहेको जानकारी दिए ।