परराष्ट्रका नासु पोखरामा मृत फेला, अनुसन्धान गर्दै प्रहरी

२५ वैशाख, काठमाडौं । परराष्ट्रमा मन्त्रालयका एक कर्मचारी पोखराको बेगनास तालमा मृत फेला परेका छन् । परराष्ट्रका नायव सुब्बा ३१ वर्षीय अनुप भण्डारी सोमबार बिहान तालमा तैरिरहेको अवस्थामा मृत भेटिएका हुन् । 

तैरिरहेको शव देखेपछि स्थानीयले प्रहरीलाई खबर गरेका थिए । प्रहरीले घटनास्थल पुगी शव तालबाहिर निकालेर शव पहिचानका क्रममा साथमा भेटिएको परिचय पत्रका आधारमा भण्डारी रहेको पुष्टि भएको प्रहरीले जनाएको छ । 

भण्डारी आइतबार राति मध्यरात काठमाडौंबाट पोखरा पुगेको पाइएको जिल्ला प्रहरी कार्यालय कास्कीका प्रवक्ता डीएसपी श्रवणकुमार विकले बताए । घटनाबारे आवश्यक अनुसन्धान भइरहेको प्रहरीले जनाएको छ ।