व्यवसायी शंकर कँडेलको ‘आत्महत्या’का दोषीलाई कारवाही गर्न माग

२५ वैशाख, काठमाडौं । चितवनका पोल्ट्री व्यवसायी शंकर कँडेलको ‘आत्महत्या’माथि भइरहेको छानबिन सत्यतथ्यमा पुर्याउन माग गरेका छन् । सोमबार बसेको प्रतिनिधिसभाको बैठकमा विशेष समयमा बोल्दै राष्ट्रिय स्वतन्त्र पार्टी (रास्वपा)का सभापति समेत रहेका सांसद रबि लामिछानेले कँडेलको आत्महत्याका कारण पत्ता लगाउन माग गरे । 

उनले विशेष समयमा बोल्दै घटनाप्रति दुःख व्यक्त गरे । आत्महत्या दुरुत्साहन कसुरमा तानिएका सबैलाई नियन्त्रणमा लिएर निष्पक्ष छानबिन गर्न सरकारसँग माग गरे । 

यही बैशाख १८ गते चितवनको मुख्य बजारमा नारायणगढमा मृत अवस्थामा फेला परेका थिए । उनको अनमोल फिड कम्पनीको शेयर बिक्री गरेबापत रकम पाउन नसकेको र ऋणको भारले तनाव व्यहोरिरहेको अवस्थामा कम्पनी संचालककर्मीबाटै थप तनाव दिएको उल्लेख गर्र्दै आफूले आत्महत्याको बाटो राजेको व्यवहारको कागजत शवनजिकै बरामद गरिएको थियो । 

उनले चिर्कटमा दुई जनाको नाम उल्लेख गरिएको पाइएपछि प्रहरीले अनामोलका संचालक जीवन रावल बाराबाट पक्राउ गरी अनुसन्धान गरिरहेको छ । आरोपित अन्य प्रदीप रुंगाटा भने फरार छन् ।सो घटनामा प्रहरीले अनुसन्धानमा ढिलाई गरेको आरोप लगाउँदै चितवनका व्यवसायी उद्योगीहरुले विरोध जारी राखेका छन् ।

आइतबार मात्र उनीहरुले कँडेलको ज्यान गएको घटनामाथि तत्काल छानिबन अगाडि बढाउन र दोषी सबैलाई पक्राउ गर्न माग गर्दै सडक प्रदर्शन गरेका थिए । सो घटना आज संसदमा प्रवेश भएको हो ।