प्रमुख दलका शीर्ष तीन नेताबीच बालुवाटारमा छलफल

२६ बैशाख, काठमाडौं । पछिल्लो देशको राजनीतिक परिस्थितिका विषयमा प्रमुख तीन दलका शीर्ष नेताले बालुवाटारमा छलफल गरेका छन् । प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलबीच छलफल भएको हो । 
नेतात्रयबीचको भेटवार्ताको विषय सार्वजनिक भएको छैन । प्रधानमन्त्रीको बोलावटमा नेताहरू बालुवाटार पुगेको बताइएको छ । सोमबार मात्र संवैधानिक परिषद्को बैठकले प्रधानन्यायाधीशमा हरिकृष्णको नाम सर्वसम्मत सिफारिस गरेको थियो । 

उनको नाम अनुमोदन गर्नका लागि संसदीय सुनुवाइ समिति गठन गर्नुपर्ने छ । त्यस्तै, संवैधानिक परिषद्सम्बन्धी विधेयक पनि संसदमा विचाराधीन छ । राष्ट्रपति कार्यालयमा अलपत्र बनेको नागरिकता विधेयकको बारेमा पनि तीन नेताबीच छलफल भएको बताइएको छ ।