प्रनिधिसभा बैठक आधा घण्टाका लागि स्थगित

२६ वैशाख, काठमाडौं । मंगलबार बसेको प्रतिनिधिसभाको बैठक आधा घण्टाका लागि स्थगित भएको छ । सभामुख देवराज घिमिरेले अर्थमन्त्री डा. प्रकाशशरण महत राष्ट्रियसभा सहभागी हुन जानुपर्ने भएकाले बैठक आधा घण्टाका लागि स्थगित गरिएको सूचना बैठकमा दिएका छन् । 

जारी राष्ट्रियसभा बैठकमा सांसदहरुले अर्थमन्त्री महतले पेस गरेका ‘आगामी बजेटको सिद्धान्त र प्राथमिकता’सम्बन्धी प्रस्तावमाथि उठाएका प्रश्नको जवाफ दिन उनी त्यता लागेका छन् । 

यसअघि मन्त्री महत बैठकमा उपस्थित नहुँदा संसद नियमावलीको उल्लंघन भएको भन्दै सांसदहरुले प्रश्न उठाएर विराेध जनाएकाे परिप्रेक्ष्यमा मंगलबार सभामुख घिमिरेले महतको अनुपस्थिति रहेने समयसम्म बैठक स्थगित गरेका हुन् ।