राष्ट्रियसभामा विनियोजन विधेयकका सिद्धान्त र प्राथमिकतामाथिको छलफल सकियो

२६ वैशाख, काठमाडौं । राष्ट्रियसभामा आगामी आर्थिक वर्षका लागि विनियोजन विधेयकका सिद्धान्त र प्राथमिकता (कर प्रस्ताव बाहेक) म्ँीथ्क्ँे छलफल सकिएको छ ।

गत आइतबार बसेको दुवै सदनको संयुक्त बैठकमा अर्थमन्त्री डा. प्रकाशशरण महतले आगामी आर्थिक वर्षका लागि विनियोजन विधेयकका सिद्धान्त र प्राथमिकतामाथि छलफल गरियोस् भन्ने प्रस्ताव पेस गरेका थिए । 

उक्त प्रस्तावमाथि राष्ट्रियसभामा आज छलफल पूरा भएको छ । छलफलका क्रममा उठेका प्रश्न र जिज्ञासाबारे अर्थमन्त्री डा. महतले करिब आधा घण्टा जवाफ दिएका छन् ।

छलफलमा व्यक्त विचार र सुझावलाई एकीकृत गरी संघीय संसद सचिवालयमार्फत् अर्थमन्त्रालयमा पठाइने सभा अध्यक्ष गणेशप्रसाद तिमिल्सिनाले जानकारी दिए । 

साथै अध्यक्ष तिमिल्सिनाले राष्ट्रियसभाको अर्को बैठक आउँदो ३ जेठ  बुधबार बस्ने जानकारी सदनलाई दिए ।

जवाफ दिन राष्ट्रियसभा पुगेकै कारण यता प्रतिनिधिसभाको बैठक आधा घण्टाका लागि स्थगित गरिएको छ ।