माधव नेपाल र वामदेव गौतमबीच भेटवार्ता

२६ वैशाख,, काठमाडौं । सत्तारुढ गठबन्धनका घटक नेकपा (एकीकृत समाजवादी)का अध्यक्ष माधवकुमार नेपाल र नेकपा एकता राष्ट्रिय अभियानका अध्यक्ष वामदेव गौतमबीच मंगलबार भेटवर्ता भएको छ । 

दुई अध्यक्षबीच आज एकीकृत समाजवादीको केन्द्रीय कार्यालय आलोकनगरमा भेटवार्ता भएको हो । भेटवार्तामा पार्टी एकताबारे छलफल भएको एकीकृत समाजवादीका नेता जीवनराम श्रेष्ठले जानकारी दिए । 

एकीकृत समाजवादीका तर्फबाट अध्यक्ष नेपालका अलवा महासचिव घनश्याम भुसाल, उपमहासचिव गंगालाल तुलाधार, नेता जीवनराम श्रेष्ठ छलफलमा सहभागी थिए । 

नेपाल र र गौतम पछिल्लो समयमा मुलुकमा कम्युनिष्ट पार्टीबीच एकता हुनु पर्ने विचार राख्दै आएका छन् । एकता हुन नसके कम्युनिष्ट केन्द्र बनाएर कार्यगत एकताको पक्षमा जोड दिँदै आएका छन् ।