खाँण समातिएपछि तीन दलका शीर्ष नेताबीच छलफल सुरु

२७ बैशाख, काठमाडौं । नेपालीलाई नक्कली भुटानी शरणार्थी बनाएर ठगी गरेको विषयमा भइरहेको अनुसन्धान प्रक्रियाबारे छलफल गर्न प्रमुख दलका तीन शीर्ष नेता छलफलमा जुटेका छन् । केहीबेर अघि देखि उनीहरुबीच छलफल चलिरहको प्रधानमन्त्रीको सचिवालयले जनाएको छ ।

प्रधानमन्त्रीको कार्यालय सिंहदरवारमा नेपाली कांग्रेसका सभापति शेरबहादुर देउवा, प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच अहिले छलफल भइरहेको बताइएको छ । नक्कली भुटानी शरणार्थी प्रकरणमा संलग्न भएको भन्दै कांग्रेसका प्रभावशाली नेता बालकृष्ण खाँणलाई प्रहरीले बुधबार उनकै निवासबाट पक्राउ गरेपछि तीन नेता जुटेका हुन् । 

यस्तै एमालेका सचिव टोपबहादुर रायमाझीविरुद्ध पनि पक्राउ पुर्जी जारी भएको छ। तर, गत वैशाख २० गतेयता उनी फरार छन् । उनलाई एमालेले निलम्न गरिसकेको छ । नेपालीलाई नक्कली भुटानी शरणार्थी बनाउने काममा कांग्रेस र एमालेसहितका नेताहरु पक्राउ पर्न थालेपछि अहिले शीर्ष तीन नेता छलफलमा जुटेका हुन् ।