फरार रायमाझीले सभामुखलाई पठाए बिरामी भएको पत्र

२७ बैशाख, काठमाडौँ । नक्कली भुटानी शरणार्थी प्रकरणमा पक्राउ पुर्जी जारी भएपछि फरार भएका एमाले सांसद टोपबहादुर रायमाझीले संसद सचिवलयलाई बिरामी परेको पत्र पठाएका छन् । संघीय संसद सचिवालयले रायमाझीले बिरामी भएको पत्र पठाएको र सभामुखलाई जानकारी गराइएको बताएको छ ।  

बिना सूचना प्रतिनिधिसभाको १० वटा बैठकमा अनुपस्थित भए सांसद पद जाने व्यवस्था रहेका कारण उनले संसद सचिवलयमार्फत सभामुखलाई जानकारी गराएका हुन् ।  एमाले केन्द्रीय सचिव समेत रहेका रायमाझीलाई पार्टीले बुधबारै पदबाट निलम्बन गरेको छ ।

अदालतले पक्राउ पुर्जी जारी गरेपछि रायमाझी फरार रहेका छन् । गत बुधबार रायमाझीलाई अदालतले पक्राउ पुर्जी जारी गरेको थियो । रायमाझी कहाँ छन् भन्ने बारेमा प्रहरीले भने हालसम्म पत्ता लगाउन सकेको छैन । उनी भारतमा रहेको आशंका गरिएको छ ।