म्याद थपका लागि पूर्वगृहमन्त्री खाणलाई जिल्ला अदालत पुर्याइयाे

२७ वैशाख, काठमाडौं । नक्कली भुटानी शरणार्थी प्रकरणमा अनुसन्धानका लागि बुधबार बिहान पक्राउ परेका पूर्वगृहमन्त्री बालकृष्ण खाणलाई जिल्ला अदालत काठमाडौंमा लगिएको छ । अभियोगमाथि हिरासतमा राखेर अनुसन्धानका लागि म्याद अनुमति लिन अदालत लगिएको हो । 

नेपाली नागरिकलाई भुटानी शरणार्थी बनाएर अमेरिका पठाउने भन्दै बिचौलिया खडा गराएर करोडौं रकम उठाएको प्रकरणमा तानिएपछि अनुसन्धानका लागि उनलाई आज बिहान उनकै निवास मैजुबहालबाट काठमाडौं प्रहरी परिसर टेकुको टोलीले पक्राउ गरेको हो ।

उनलाई प्रहरीको ‘डबल क्याबिन’  भ्यानमा राखेर बबरमहलस्थित जिल्ला अदालत काठमाडौं पुर्याइएको छ । यस्तै, आजै खाणको स्वास्थ्य परीक्षण पनि गरिने भएको छ ।