चैतसम्म रेमिट्यान्स ९ खर्ब भित्रियो, पुनः श्रम स्वीकृतिमा वृद्धि

२७ वैशाख, काठमाडौं । चालु आर्थिक वर्ष २०७९र८० को नौ महिनामा विप्रेषण आप्रवाह ९रेमिट्यान्स०मा निकै सुधार आएको छ । नेपाल राष्ट्र बैंकका अनुसार चैत मसान्तसम्ममा विप्रेषण आप्रवाह २४ दशमलव २ प्रतिशतले बढेर नौ खर्ब ३ अर्ब ३९ करोड रुपैयाँ पुगेको हो ।

गत आर्थिक वर्षको सोही अवधिमा रेमिट्यान्स शून्य दशमलव दुई प्रतिशतले घटेको थियो ।

गत चैत सम्ममा नेपालले प्राप्त गरेको विप्रेषण अमेरिकी डलर ६ अर्ब ९२ करोड बराबर हो । अमेरिकी डलरमा विप्रेषण आप्रबाह वृद्धिदर १३ दशमलव ९ प्रतिशतले बढेको राष्ट्र बैंकले जनाएको छ । 

चालु आर्थिक वर्षको चैत मसान्तसम्ममा वैदेशिक रोजगारीका लागि अन्तिम श्रम स्वीकृति लिने नेपालीको सङ्ख्या ५१ दशमलव ५ प्रतिशतले बढेर ३ लाख ८७ हजार ८३९ पुगेको छ ।

यस्तै, वैदेशिक रोजगारीका लागि पुनः श्रम स्वीकृति लिने नेपालीको सङ्ख्या पाँच दशमलव पाँच प्रतिशतले बढेको छ । यो वधिमा दुई लाख १७ हजार नौ सय ५९ जनाले पुनः श्रम स्वीकृति लिएका छन् ।