शेयर बजार २.४३ अंकले ओरालाे लाग्याे

२७ वैशाख, काठमाडौं । साताको चौथो कारोबार दिन बुधबार शेयरबजार घटेको छ । बुधबार नेप्से सूचकमा २.४३ अंकले ओरालो लागि १८४१.९३ विन्दुमा आएर रोकिएको छ । 

यता ठूला कम्पनीको सेयर कारोबार मापन गर्ने सेन्सेटिभ परिसूचकमा ०.४५ अंकले घटेर ३५२.८० विन्दुमा पुगेको छ। आज नेप्से सूचकको ८८ कम्पनीमा वृद्धि भएको छ । ११३ कम्पनीमा ओरालो लागेको छ भने १५ कम्पनी स्थिर रहेको छ ।

यसअघि मंगलबार नेप्से सूचकमा १०।६६ अंकले उकालो लागि १८४४.३६ विन्दुमा आएर रोकिएको थियो।  बुधबार नेपाल स्टक एक्सचेञ्जमा कूल २६५ कम्पनीको १९ लाख ४२ हजार ६२६ कित्ता सेयर खरिद बिक्री हुँदा ५८ करोड ९१ लाख रुपैयाँमाथिको सेयर कारोबार भएको छ ।

त्यस्तै, कारोबारको आधारमा हिमाल दोलखा हाइड्रोपावर, नवील बैंक र  सिवम सिमेन्टको ३ करोडमाथिको कारोबार भएको छ। यता १३ उपसुचकहरु मध्ये ५ कम्पनीमा उकालो लागेको र बाँकी सबैभन्दा उपसूचकहरु घटेको छ । आजको कारोबारमा हिमाल दोलखा हाइड्रोपावरको ८.२४ प्रतिशतले सेयर मूल्य बढेको छ।