वायुसेवा निगमको नयाँ जहाज किन्ने प्रक्रिया थालियो

२८ वैशाख, काठमाडौं । नेपाल वायु सेवा निगम (एनएसी)ले प्रस्ताव गरेको ३ वटा नयाँ जहाज किन्ने प्रक्रिया अघि बढाइएको छ । जहाज खरिदका लागि निगमले गत चैत २९ गते बनाएको जहाज खरिद सम्भावना अध्ययन उपसमिति गठनले दिएको प्रतिवेदनअनुरुप खरिद प्रक्रिया अघि बढाइएको हो । 

जहाज खरिदका लागि वैशाख २६ गते बसेको सञ्चालक समितिको बैठकले वरिष्ठ क्याप्टेन सुधीर शमशेर राईको संयोजकत्वमा ९ सदस्यीय जहाज उपसमिति गठन गरेको छ । 

समितिलाई २१ दिनभित्र थप अध्ययन गरी बोर्डमा प्रतिवेदन पेस गर्न अख्तियारी दिइएको छ । प्रतिवेदन आएपनि जहाज खरिद प्रक्रियाले औपचारिकता पाउने निगमले जनाएकाे छ । नयाँ जहाज आन्तरिक उडानका लागि खरिद गर्न लागिएको हो ।