सवारी लाइसेन्स नवीकरण १० वर्षमा गर्न ऐन संशोधनको प्रस्ताव

२८ वैशाख, काठमाडौं । सरकारले सवारी चलक अनुमतिपत्र (ड्राइभिङ लाइसेन्स) १० वर्षमा नवीकरण गर्ने व्यवस्था गर्न एन संशोधनको प्रस्ताव गरेको छ । सरकारले तयार गरेको केही नेपाल ऐनलाई संशोधन गर्न बनेको विधेयकको मस्यौदामा थप ५ वर्ष लाइसेन्स नवीकरण गर्नुनपर्ने गरी प्रस्ताव गरिएको हो । 

हाल ५र५ वर्षमा ड्राइभिङ लाइसेन्स नवीकरण गर्नुपर्ने कानूनी व्यवस्था छ । १०र१० वर्षमा नवीकरण गर्ने व्यवस्थाले यातायात कार्यालयमा सेवाग्रहीको चाप घट्ने र चालकलाई झन्झट कम हुने विश्वासमा सरकारले यस्तो व्रस्ताव गरेको हो । 

पाँच वर्षमा नविकरण गर्नुपर्ने अवस्थालाई हटाउँदा नयाँ स्मार्ट कार्ड छाप्न समेत लोड कम हुने भौतिक पूर्वाधार तथा यातायातमन्त्री प्रकाश ज्वालाले बताए । उनले यही वैशाख १२ गते नै संशोधनबारे संसद बैठकमा जानकारी गराएका थिए ।

संशोधन प्रस्ताव एवं विधेयकमा सवारी जाँचपास तथा प्रदूषण परीक्षणका केन्द्र सञ्चालनको अनुमति निजी क्षेत्रलाई नै नि सक्ने गरी विधेयकमा प्रस्ताव गरिएको छ । केन्द्रले सवारीहरुको मेकानिकल र इलेक्ट्रिकल अवस्था जाँच गरेर प्रदूषण अवस्था परीक्षण गरी प्रमाणपत्र दिन सक्नेछन् ।

ऐनमा संघीय सरकारले बनाएको सूचना प्रणालीमा प्रदेशहरुले दर्ता हुने सवारीको विवरण, चालक अनुमतिपत्रको विवरण, राजस्व सम्बन्धी विवरण तथा अन्य वैयक्तिक तथा जैविक विवरणहरु प्रविष्ट गर्नुपर्ने व्यवस्था पनि गरेको छ ।