नागरिक उन्मुक्ति सुदूरपश्चिम सरकारमा सहभागी हुने

२८ वैशाख, धनगढी । नागरिक उन्मुक्ति पार्टी (नाउपा) सुदूरपश्चिम प्रदेश सरकारमा सहभागी हुने भएको छ । नाउपा संसदीय दलको आज बसेको बैठकले मुख्यमन्त्री कमलबहादुर शाह नेतृत्वको सरकारमा सहभागी हुने निर्णय गरेको हो ।

बैठक प्रदेश सांसद टीका थापा बाहेक अन्य सदस्य सहभागी भएको बैठकले सरकारमा जाने निर्णय गरेको संसदीय दलका नेता घनश्याम चौधरीले बताए । उनका अनुसार रामेश्वर चौधरी र लक्ष्मणकिशोर चौधरीलाई सरकारमा पठाउने निर्णय भएको छ । 

नाउपाले सामाजिक र भूमी व्यवस्था कृषि तथा सहकारी मन्त्राल र एक राज्यमन्त्री तथा प्रदेशसभाअन्तर्गतका समितिमा सामाजिक विकास समितिको सभापति दाबी गरेको छ । 

सरकारलाई समर्थन गरेका दलहरुबीच भागबण्डा नमिलेकै कारण कांग्रेसबाट मुख्यमन्त्री बनेका कमलबहादुर शाहले मन्त्रिपरिषद्लाई पूर्णता दिन सकेका छैनन् ।

नाउपा केन्द्र सरकारमा भूमि व्यवस्था मन्त्रालय लिएर सहभागी छ । मन्त्रालयको जिम्मेवारी नाउपाका केन्द्रीय अध्यक्ष रञ्जिता श्रेष्ठ छिन् ।