परीक्षा केन्द्रअगाडि विज्ञापनका पर्चा बाँड्ने ५ दर्जन नियन्त्रणमा

२९ वैशाख, काठमाडौं । काठमाडौं महानगरपालिकाको प्रहरी बलले परीक्षा केन्द्र भएको क्याम्पस अगाडि विज्ञापनका पर्चा बाँड्ने ६१ जनालाई नियन्त्रणमा लिएको छ । पर्चा बाँड्ने कलेजका विद्यार्थी, इन्ष्टिच्युट र विभिन्न कम्पनीका कर्मचारीहरू पक्राउ परेको महानगर प्रहरीले जनाएको छ ।

पक्राउ परेकाहरूलाई जरिवाना तिराएर छोडिएको छ । काठमाडौं महानगरपालिकाले परीक्षा सञ्चालन भइरहेका केन्द्रहरूमा अनुगमनलाई तीव्र पारेको छ । 

अनुगमनका क्रममा थुप्रै युवा युवतीहरुलाई पर्चासहित नियन्त्रणमा लिइएको हो । उनीहरुलाई कारबाही अघि बढाएको बताइएको छ । महानगरले चालु आवदेखि परीक्षा केन्द्र अगाडि विज्ञापनसम्बन्धी विज्ञापन पर्चा बाँडन निषेध गरिएको छ ।