तातोपानी भन्सारबाट निर्यात ठप्प, आयात आंशिक

२९ वैशाख, काठमाडौं । यही वैशाख १८ बाट तातोपानी भन्सार नाकाबाट आयात र निर्यात खुला भएपनि निर्यात ठप्प भएको छ । सुरु भएकै दिन मुडा, म्याट्रेस र बेदका कुर्सीहरु लगायत हस्तकलाका ३ कन्टेनर सामागी्र चीन पठाइएकामा त्यसयता निर्यात शून्य रहेको भन्सार कायालयले जनाएको छ । चीनबाट सामान माग नभएकै कारण सामान निर्यात ठप्प भएको हो । 

२०७२ वैशाख १२ मा गएको विनाशकारी भूकम्पपछि करिब ८ वर्ष बन्द भएको नाका बल्लतल्ल खुला गरिएको हो । राजधानीबाट सबैभन्दा नजिक उत्तरी नाका खुला नहुँदा चिनियाँ सामान महंगो भएर उपभोक्तालाई मार परेको जनाउँदै दुवै देशका प्रतिनिधि बसेर छलफल गरी नाका खुला गरिएको हो । 

तातोदेखि चीनतर्फको नजिकका बजार खासामा बस्ती नभएपछि स्वदेशी सामानको माग घटेको तातोपानी भन्सार कार्यालयका प्रमुख भन्सार अधिकृत दयान्द केसीले बताए । निर्यात खुलेको पहिलो दिन ३ वटा कन्टेनरमा करिब २९ लाख रुपैयाँ बराबरको सामान निर्यातबाहेक ठप्प रहेको उनले बताए । तर दैनिक ५ देखि ७ वटा कन्टेनर सामान आयात भइरहेको उनले बताए । नाकाबाट मान्छे आवतजावत भने निषेध नै छ ।

यता, रसुवा नाकाबाट भने दैनिक रुपमा नेपाली निर्यात भइरहेको रसुवा भन्सार कार्यालयले जनाएको छ । उक्त नाकाबाट दैनिक २० करोड बराबरको ४ देखि ५ कन्टेनर निर्यात भएको रसुवा भन्सार कार्यालयका प्रमुख भन्सार प्रमुख नारायण भण्डारीले बताए । 

यसतै यो नाकाबाट नाकाबाट दैनिक ८ कन्टेनर चिनियाँ सामान आयात भइरहेको उनले बताए । यो नाका पूर्ण रुपमा संचालनमा भइरहेको  ।