बालकृष्ण खाणलाई निलम्बनको माग गर्दै नेविसंघद्वारा काठमाडाैंमा प्रदर्शन

३१ वैशाख, काठमाडौं । नक्कली भुटानी शरणार्थी प्रकरणमा पक्राउ परेका पूर्वगृहमन्त्री बालकृष्ण खाँणलाई पार्टी सम्र्पू जिम्मेवारीबाट निलम्बनन गर्न माग गर्दै काठमाडौंमा प्रदर्शन गरेका छन् । 

पार्टीका नेता खाणलाई तत्काल निलम्बन गरेर प्रकरण अनुसन्धानमा सहयोग गर्न पार्टीले तत्काल निर्णय गर्न पार्टीकै विद्यार्थी संगठन नेविसंघका कार्यकर्ताहरुले काठमाडौंमा प्रदर्शन गरेका हुन् ।

काठमाडौंको त्रिचन्द्र क्याम्पसमा नेविसंघको एक समूहले  ‘सभापतिज्यू, खाणलाई किन निलम्बन नगरेको ?’ लेखिएको प्लेकार्डसहित प्रदर्शन गरेको हो । उनीहरुले ‘नेता र नाता’ नहेरी भ्रष्टाचारीलाई कठघरामा उभ्याउन माग गरे । प्रदर्शनकारीहरुले नेविसंघको झण्डासहित प्रतिकात्मक रुपमा कागजको हत्कडी र कैदीबन्दीले लगाउने पोशाक प्रदर्शन गरेका छन् । नेविसंघले केही विद्यार्थीलाई कैदीको भेषमा सडकमा प्रदर्शनमा ल्याएको थियो ।

नेपालीलाई नक्कली शरणार्थी बनाएर अमेरिका पठाउने गिरोहसँग रकम लेनदेन गरेको आरोपमा प्रहरीले कांग्रेस केन्द्रीय सदस्य खाणलाई यही वैशाख २७ गते पक्राउ गरेको थियो । हाल उनलाई महानगरी प्रहरी परिसर टेकुको हिरासतमा राखिएको छ । उनलाई जिल्ला अदालत काठमाडौंबाट ठगी कसुरमा ४ दिन म्याद थप गरेर प्रहरीले अुनसन्धान जारी राखेको छ । 

उनले ठगीमा आफ्नो संलग्नता रहेको स्वीकार गरेको प्रहरीले जनाएको छ । सोही आरोपमा तानिएकी उनकी पत्नी मञ्जु खाण्न भने पति पक्राउ परेकै दिनदेखि सम्पर्कविहीन बनेकी छन् ।