जेठ ५ गते राष्ट्रपतिले नीति तथा कार्यक्रम सम्बोधन गर्ने

३१ वैशाख, काठमाडौं । सरकारको आर्थिक वर्ष २०८०÷०८१ को नीति तथा कार्यक्रम जेठ ५ मा ल्याउने तयारी भइरहेको छ । राष्ट्रपति रामचन्द्र पौडेलले संसद्मा नीति तथा कार्यक्रम सम्बोधन गर्ने तयारी भएको छ । सरकारले बजेट आउनुपूर्व नीति तथा कार्यक्रम ल्याउने गर्दछ । नेपाली कांग्रेसका प्रमुअ सचेतक रमेश लेखकले जेठ ५ गते सरकारको नीति तथा कार्यक्रम सार्वजनिक हुने बताए ।  

संविधानको धारा ९५ मा संघीय संसद्का दुवै सदनमा सम्बोधन गरी राष्ट्रपतिले नीति तथा कार्यक्रम ५ जेठमा वाचन गर्नेछन् उल्लेख छ । प्रतिनिधिसभाको कार्यव्यवस्था परामर्श समितिको आइतबारको बैठकमा जेठ ५ मा नीति तथा कार्यक्रम प्रस्तुत गर्नेबारे छलफल भएको थियो । लेखकले कार्यव्यवस्था परामर्श समिति बैठकमा जेठ ५ मा नीति तथा कार्यक्रम प्रस्तुत गर्ने भन्ने छलफल भएको र सोही दिन नीति तथा कार्यक्रम संसदमा पेस हुने बताए ।