जेठ ४ गते सांसदहरुले प्रधानमन्त्रीसँग प्रश्नोत्तर गर्न पाउने

३१ बैशाख, काठमाडौं । प्रतिनिधिसभा कार्यव्यवस्था परामर्श समितिको बैठकले संसदमा प्रधानमन्त्रीसंँग सांसदहरुको प्रश्नोत्तर कार्यक्रम जेठ ४ गतेका लागि तय गरेको छ । हरेक महिनामा एक पटक प्रधानमन्त्रीसँग प्रश्नोत्तर कार्यक्रम अन्तर्गत जेठ ४ गते समय तोकिएको हो । यहीअनुसार भए हरेक महिनाको ४ गते प्रधानमन्त्रीले प्रतिनिधिसभामा सांसदहरुले प्रश्न सोध्ने र प्रधानमन्त्रीले त्यसको उत्तर दिनेछन् ।  

प्रश्नोत्तरका लागि कांग्रेस एमालेका सांसदहरूलाई तीन तीन मिनेट र अरु सांसदहरूलाई १ मिनेटका दरले समय निर्धारण गर्ने सहमति भएको छ । प्रधानमन्त्रीसँगको प्रश्नोत्तरमा कांग्रेस र एमालेका सांसदलाई तीन मिनेट र अन्यलाई एक मिनेटका दरले समय निर्धारण गर्ने सहमति भएको छ ।  
 
यस्तै बैठकले संसद्को मर्यादा कायम राख्न सांसदहरूले संसद् बैठकमा सहभागी हुँदा भड्किलो पोसाक लगाएर जान नपाउने निर्णय पनि गरेको छ । सांसदहरूले भड्किलो पोसाक लगाएर जाँदा संसद्को मर्यादा कायम नहुने ठहर गर्दै तोकिएको पोसाक लगाएर मात्र संसदमा जानुपर्ने सहमति भएको बैठकमा भएको छ ।