विराटनगरमा भ्रष्टाचारविरुद्ध युवाहरुले निकाले अर्धनग्न र्याली

३१ वैशाख, काठमाडौं । नक्कली भुटानी शरणार्थी र भ्रष्टाचारविरुद्ध विराटनगरका युवाहरूले आज अर्धनग्न भएर विरोध जुलुस निकालेका छन् । ट्राफिक चौकमा युवाहरू भेला भएर भ्रष्टाचारविरुध हाम्रो आवाज’ ब्यानरमा अर्धनग्न भएर विरोधमा उत्रिए । 

नक्कली भुटानी शरणार्थी र बढ्दै गइरहेको भ्रष्टाचारविरुद्ध उनीहरुले् ब्यानरसहित विरोध जनाए । राजनीतिक दल र प्रणाली नै नांगो भइसकेकाले सांकेतिकस्वरुप सरकारलाई खबरदारी गर्न अर्धनग्न भएर विरोध जनाएको उत्तम ढुंगलले बताए । प्रर्दशनकारीहरुले राज्यको ढिकुटी दोहन गरेर बंगला र महंगा गाडी किनेर मोजमस्ती गरेको बन्दै आक्रोश पोखे । 

उनीहरुले ‘लाखौँ पर्ने गाडी तिमीलाई कसले किन्दियो’, ‘काठमाडौंको घडेरी तिमीलाई कसले जोडिदियो’ लगायतका नारा लेखिएका प्लेकार्ड प्रदर्शन गरे । २०४६ साल पछि राजनैतिक दलको उच्च ओहदामा बसेका नेताहरूको सम्पत्ति छानबिन गनर् माग गरे ।